#YT0#
Der Songtext von Quitte (Züri West)
Siebe Haar à drizäh Reihe
d’ Friise het chli gglitte
d’ Gsichtszüg hange mr uf ds Chini
i gseh fängs us wie ne Quitte
aber i wott mi nid beklage hie
es hätt no schlimmer chönne cho
d’ Quitte si nid unsympathisch
aber guet usgseh tüe sie nid eso
i mim Garte si sie mr die Liebschte
mit dene hesch ke Müeh
die hange eifach dert u warte
u ersch we d’ öppis vo ne wosch gits z’ tüe
de schteisch dr ganz Tag i dr Chuchi
aber när hesh lang öppis drvo
bi dene weiss me was me überchunnt
i wär mängisch o gän chli so
wenn i no einisch chönnt vo vor afaa
u dert no mau dörft i die Reihe schtah
u när chönnt useläse was i wett
de würd i eifach säge bitte
gäbet mr dr rächt Fuess vom Ibrahimovic
u dr charakter vo re Quitte
siebe Haar à drizäh Reihe
d’ Friise het chli gglitte
d’ Gsichtszüg hange mr uf ds Chini
i gseh fängs us wie ne Quitte
aber i wott mi nid beklage hie
es hätt no schlimmer chönne cho
d’ Quitte si nid unsympathisch
aber guet usgseh tüe sie nid eso
Züri West
