Hani dr scho gseit, dass i itz o z Märit ga? Auso nid aus hundskommune Chund, nenei, ganz hochoffizieu hingerem Schtang aus Verchöifer. Da schtuunisch itz, gäu, dass me da sone Grossvätu no für settigs cha bruuche. Wobi i muess säge, es isch nume fürnes einzigs Mau u zwar genau am 14. Juni. Isch dr ds Zwänzgi gheit? Genau, Froueschtreik. Itz chönntimer da e haubschtündegi Diskussion füehre öbs öppis eso bruucht. Aber erschtens hani ke Platz für das i däm Eggeli u zwöitens bini äuä nid dr Richtig wüu i gar ke Frou bi. Aber itz zrügg ufe Märit. Ds Trini het öppere gsuecht wüu ihrer Märitfroue schtreike u ds Grosi hets gseh im Feissbuk u täicht dä Üelu het doch Zyt u i ha gseit mira u täicht a däm gseih me ja o chli dass es a aune Egge wurd fähle ohni d Froue. Ömu i ga itz da gärn echli ga Gmües verchoufe. Vilech hiuft das o no chli gäge ds schlächte Gwüsse. Wüu ehrlech gseit bini nümm ganz sicher öbi im 71i für das Froueschtimmrächt bi gsi.
Werbung
Frauenstreik
Vo Märit u Froueschtreik
Jede Woche textet Ueli der Schreibknecht für unsere Print-Ausgabe. Letzte Woche äusserte er sich zum Frauenstreik. Zur Gewissensberuhigung stellt er sich kommenden Freitag hinter einen Marktstand.
Dieser Artikel wurde automatisch auf unsere neue Website übertragen. Es kann daher sein, dass Darstellungsfehler auftreten. Diese können Sie uns mit folgendem Formular melden. Vielen Dank für Ihr Verständnis.
Bitte loggen Sie sich ein, um die Kommentarfunktion zu nutzen.
Falls Sie noch kein Agrarmedien-Login besitzen:
Jetzt abonnieren und informiert bleiben.
BauernZeitung abonnieren